ودي أكتب والقلم عيا يطيع

ودي أكتب والقلم عيا يطيع
مدري الأشواق وإلا انت السبب
مرحبا مليار ياورد الربيع
ياصباح في حياتي ما غرب
جتني الأمثال معناها فضيع
داعبت أوتار قلب لك ذهب
واجب إنا نقوم بالواجب سريع
وانتجاوب مع مثل ولد العرب
دامنا فالأمر لعيونك نطيع
كل أمر منك يالغالي وجب
في حديثك راعي الفطنة يضيع
وفي عيونك كل إشارات العجب
خذتنا في عالم الحب الوسيع
كننا نسبح على ذاك الهدب
يشهد الله لو يناظرك الرضيع
كان شاب ولا بعد فالعمر شب
نحن شراية ترانا ما نبيع
لو تبا نوزن معاديلك ذهب
دام منزالك به الخافق رفيع
أعرف إنك صرت في أعلى الرتب